我是很喜歡買雜貨及文具的，在香港的眾多小店中，Living Plaza就是我的no.1最愛，選擇多，價錢平，有時貨品的質數更是令人喜出望外!
先說兩間我常去的分店:
旺角店
地址：香港九龍彌敦道601號創興廣場3樓
營業時間：上午10時至下午11時
銅鑼灣店
地址：銅鑼灣京士頓街9號名店坊地庫 (即AEON SUPERMARKET地庫)
營業時間：上午10時至下午10時半
上述兩間店都是king size舖面，貨品種類最為齊全，當中更有很多是來自daiso japan的貨品，價錢一律$12，無錯，一陣呢個POST入面SHOW既所有貨品都係$12 ja!!!!!!!!!!!!!
(*daiso japan是日本很出名的100yen店，我很喜歡她家的貨品，設計精細，不說出來你是估不到它是便宜貨 >w<!!!)
來看看我最近的收穫
冬天最鍾意著家居襪，軟棉棉又保暖，gelato pique可能要過$100一對，我呢對$12，仲有四、五隻款選擇。我仲買埋同款的neck warmer，你有所不知，neck warmer在凍的地方是很有用，我早前去韓國時，先用neck warmer再加頸巾真的好暖和，必要時可以遮住塊面，韓國的風真係唔係講笑。
右邊的藍底碎花袋子又是另一重要發現 (店裡有大約有6個花紋款式)，細細地用來做食飯袋就最good fit ，好有cath kidston的影子，對不對? (購於旺角店/ 2月中)
左:唔好以為平eyeliner一定冇好，呢支liquid eyeliner我encore左幾枝，筆咀夠幼易控制，劃出來很貼眼，真的防汗防油，但用一般落妝油就可以御掉 (我是用Biore落妝油)，惟一缺點就是質地偏稀，上眼後等一陣唔好咁心急 (其實都係等兩秒)，但效果真的好提眼，而且係made in taiwan，值得一試。(購於旺角店/ 2月中)
右: 4色eye shadow set，這個purple系4色都超美麗及超好搭配。質地是粉狀，上色不錯，持久度也跟日常的無異，made in china。平平地買一盒也蠻不錯，同系的藍色set也是超美的顏色，只是小妹少用藍系而已。(購於旺角店/ 2月中)
西柚味Body lotion (100g)，因為我皮膚偏乾，去旅行最怕無帶body lotion，呢個size長期放在行李箱standby剛好，同行友人都買左支有備無患。西柚味道超清新好聞 (另有玫瑰花味)，擠出來是膏狀，幾滋潤。(購於旺角店/ 2月中)
大家都熟悉的little twins star系列，同場還有hello kitty，把梳幾好梳! (購於旺角店/ 2月中)
*****今期必買推介: lace圖案筆身3色原子筆 (紅、藍及黑色筆芯)*****
一pack兩枝3色原子筆，起初是因為外型討好而買 (筆身有紫色/紅色/桃紅色)，但用過後馬上回購10枝送給我的姊姊淘，因為真係爆炸好寫，唔買就走寶!!!
我的小珍藏 (貨品於早前購買，不肯定店面是否還在出售)
A5 size floral pattern notebook，本尊無敵爆炸靚，金字logo還是燙印 (購於銅鑼灣店)
A4 size floral pattern file，好啦我是花痴，這個file是有拉鏈的，仲內有分層 (購於銅鑼灣店)
兩層小食碟 (購於旺角店)
眼鏡盒及士夕啤梨原子筆套裝 (紅及黑色筆芯) (購於旺角店)
小貼士: $12店的靚靚貨品好多時候都是「一期一遇」，所以我間唔時都去行下。買滿成籃都只不過是幾百蚊，但滿足感爆燈。女仔天生愛shopping，呢度買得開心又唔會傷身 (^u^)V
